25 KiB
والشمس لسه حتنهض بالفجر فوق المنظر الصحراوى خيط أبيض وصوت الراوى:
أنا صنعتى طيّار وكنت عايش طول حياتى وحيد ما بين سما وسما أشوف الناس من فوق، واشوفهم من بعيد لبعيد أعرف مثل بيقول: سلام العين عمره ما يغنى عن سلام الإيد دار الزمن وصبح لى قلب جديد أصل الحكايه في يوم من الأيام من كام سنه، وانا راكب الطيّاره، هبّت علىّ الريح طيّارتى مالت بجناحاتها لتحت ووقعت في الصحرا، بصّيت لقيت نفسى وحدى والموتور عطلان عمّال أصلح فيه لا كان معاى مساعد، ولا كان معاى مسافر وحدى أنا لوحدى وخزين الميّه يا دوب يكفّينى تمانية ايّام المسأله كانت حياه أو موت….
…فات أول يوم ونزل عليّ الليل، ونمت فوق الرمل بينى وبين العمار ألف كيلو أنا كنت زي الغريق اللى راقد على خشبه في وسط البحر واتصوّروا عجبى ساعة ما قمت الفجر على صوت رقيّق زى نور العين من قبل ما يقول لى صباح الخير… يكلمنى!… الأمير الصغير إعمل معروف… إرسم لى خروف! الطيّار أرسم لك إيه؟ الأمير الصغير إرسم لى خروف الطيّار إيه جابك هنا وبتعمل إيه؟ الأمير الصغير إعمل معروف ارسم لى خروف الطيّار ما اعرفش ارسم الأمير ما يهمّش بسّ ارسم لى خروف لأ! دا مغمض، وبيتّاوب مش قادر يفتح عينه يشوف إرسم غيره لأ! دا عامل زى المنتوف إرسم غيره لأ! دا عيّان، لونه مخطوف إرسم غيره لأ! دا معجّز، وبيتعكّز حتى بيسقط من ظَهره الصوف إرسم غيره إرسم لى خروف لسّه بخيره ربّنا يكتب له عمر طويل الطيّار يا اللى انت أمير في عينىّ صغير مش قادر أرسم بالقوه ولا قلمة بيعرف يتلوى إيه رأيك في الرسم داهوَّ؟ الأمير الصغير صندوق بتلات فتحات، يا سلام وخروفى بيتنفس جوه وخروفى جوه بيتنفس حتى انا شايفه عمال ينعس حتى انا شايفه بينعس وينام هو دا هوه اللى انا عايزه تمام الطيّار بتفكر في إيه الأمير خروفى بكره لما يصحى ويطلع من الصندوق، يا ترى حيلزم له حشيش كثير؟ الطيّار وبتسأل ليه؟ الأمير علشان حتتى صغيره قوى الأمير نسيت أشكرك الطيّار كفايه انت فرحان الأمير الصندوق دا هديه بحق… ينفع سكن للخروف يبيت فيه بالليل الطيّار وان قعدت عاقل حادى لك حبل تربطه بالنهار وحادى لك وتد الأمير أربطه أما فكره غريبه صحيح الطيّار وغريبه في إيه ان ما ربطتوش يطلع سارح يا يروح ضايع يا يروح ملطوش الأمير وانت عايزه يسرح على فين الطيّار زى ما تيجى قدامه على طول الأمير ما يهمش قلت لك حتتى صغيره قوى قوى الأمير تقدر تقول لى الحاجة الكبيرة اللى هناك، دى اسمها إيه الطيّار دى طياره، كبيره كبيره، …لكن أنا الطيار الأمير يعنى إيه الطيّار أنا اللى باسوق الحاجه دى اللى اسمها الطياره أطلع أدوس على دراع البنزين، المحرك يشتغل والمراوح اللى شايفها قدامك تلف تلف ما تبقاش شايفها من كتر السرعه الأمير الصغير وبعدين الطيّار الجناح يشيل وانا أظبط التوازن والطياره تطير بيّ لفوق…. لفوق! الأمير يا سلام تبقى انت لما وقعت وقعت من السما الطيّار تقريبا الأمير غريبه تبقى انت جاى من السما زيي تقدر تقول لى كنت في أي كوكب
وضحك لى ضحكه لسه عايشه معايا وحبه حبّه عرفت منه الحكايه كان الأمير الصغير ساكن في كوكب صغير نجمه صغيره من نجوم السما بصوا لحالى وحاله إيه اللى شاغل باله أنا صوابعى وبدلتى مشحمه بقينا خامس يوم والميّه عماله تنقص خايف لتخلص خايف ما اصلحش الموتور في الميعاد عمال أجاهد فيه وزاد من عذابى أربط صاموله معصلجه يا ولاد أما الأمير الصغير بصوا لحالى وحاله رمى علىّ سؤاله واستنى يسمع جوابي
أنا عاوز اعرف هو الخروف بياكل الورد؟
الخروف بياكل كل حاجه يلاقيها قدامه
حتى الورد اللى منبّت شوك؟
أيوه، حى الورد اللى منبّت شوك!
يبقى الشوك إيه فايدته؟… إيه فايدته؟
ما لهش فايده خالص. بس للأسف، هو الدليل على إن الورد شرّاني
ما لكش حق تقول كدا الورد طيب على نيته، الورد ضعيف فاكر بشوكه حيبقى مخيف ويحمى نفسه ويطّمن جناحه مكسور يرمى سؤال الرحمه ع الكلّ من حواليه ورأيك انت الورد شرّاني؟
ولا رأيى ولا حاجه. هي كلمه وردّيت عليها الغطا واللى خطر فى بالى قلته، ما عنديش وقت أفكر في الورد. أنا شاغل نفسي بالأمور المهمه. الأمير الأمور المهمه! دا كلام زى كلام الناس الكبار. كل شىء عندك زى بعضه، وكل حكايع محصله اختها. (الأمير الصغير غضبان، يهز قي الريح شعره الذهبي) الأمير أنا شفت راجل بيه، ساكن فى كوكب بعيد مغروز في مكتب، وشه أحمر انجليزي عمره ما شم الورد عمره ما حبّش حدّ مش شاطر الا فى الحساب مش فالح الا طول النهار يجمع ويضرب ويقول: "أنا أصلى راجل جدّ!" أصله راجل جدّ وحيفرقع من الجدّ ومن الغرور ومن الفتاكه ومن الأمور المهمه لكن دا مش إنسان دا علقه الطيار بتقول إيه الأمير باقول دا علقه بتمص الجم (الأمير الصغير قد شحب وجهه من الغضب) الأمير من ملايين السنين والورد بيطلّع شوك ومن ملايين السنين الخرفان بتبلع الورد. ونبعد عن الأمور المهمه لو حاولنا نعرف ليه بيتعب نفسه ويطلّع شوك مالهش فايده؟ إيه اللى جالك من الفكر؟ الريحه ضاعت والحرب اللى دايره بين الورد والخرفان ماهيش يا ورد من الأمور المهمه
يا عم يا طيار ماهيش أهم من حسابات الراجل التخين أبو وش أحمر انجليزى؟! وان كنت أعرف ورده هى الوحيده الواحده مالهاش مثيل فى الدنيا إلا فى كوكبى عينى تدور السما فى أى ساعه من ساعات الليل ألاقى نفسى يا منتبه فرحان سعيد بأنوار النجوم كلها علشان عارفها قاعده بين النجوم وخروف صغير قد كدا يقدر في يوم يطلع ويبلعها ولا هو حاسس ولا هو دارى أنا بسّ فجأه كل الحياه من عينى راح تختفى كل النجوم تنطفى لكن يا حسرة قلبنا الطيب نبقى ابتعدنا عن الأمور المهمه
إمسح دموعك يا أميري الصغير فضفض لى عن نفسك بأحلى الكلام وقول لى ازاى الورده نبتت من بذره حملتها للكوكب رياح الليالى من مكان مجهول وفضلت واقف أمام المعجزة مذهول مستنى تتفتح على الدنيا، مستنى تصحى من المنام وهى الورده من يوم ما كانت فى بطن الأرض كانت قاعده تتزين وتختار لنفسها ألوان النظر وتوب الابتسام كانت بتحب الدلال والغندره والعجب تفرد ورقها وتهدل فى شعرها، وتعدل فى القسمه بين الرقه والأبّهه والفتنه من قلبها تجرى على الأكمام مش عايزه أكتر من تمام التمام وفى يوم من الأيام طلعت فى ساعت الفجر والشمس بتسلم على كوكب الأمير الصغير أول سلام الورده أنا لسه يا دوب صاحيه من النوم وشعرى منكوش وهايش متأسفه الأمير إنت ست الحسن آيه في الجمال، ورقك بديع اللون الورده بديع اللون حلوه أنا؟! الأمير إنت حلوه ورقيقه يا سلام على عطر أنفاسك اللى ماليه الدنيا الورده رقيقه وماليه الدنيا؟! الأمير إنت آيه بصحيح الورده صحيح آيه؟! أنا والشمس اتولدنا فى نفس الميعاد من حبّه الأمير إنتِ نورتِ الورده نور الصباح، إحنا في وقت غيار الريق، مش تسألنى جعانه والا عطشانه والاّ إيه؟…
مش احنا فى وقت غيار الريق ودى أول مره تلاقينى روح هات القله هات الابريق روح هات رشاشك واسقيني دا لسّه ما جاش لسّه ما جاش الأمير حاضر يا حبيبتى أدى الرشاش الورده ليه تتأخر؟ ليه تشاقينى بكفايه إنى ما باتعشّاش لازم أفطر، وما باتمشّاش لازم تخدمنى تبقينى الأمير أخدمك بعينىّ وإيدىّ واضحك ضحتك الورده الضحك مش وقته… الفكر شاغل قلبى وعينى مزغلله باطلّ من هنا ومن هنا ليطلع علىَّ النمر ويطلّ الأسد الأمير ما فيش أسد على كوكبى ولا نمر… وعلى كل حال النمر مش نباتى وعمره ما ياكل الأزهار، اطّمنى الورده ما قلتش حاجة…. أنا يا صغيّر ما اخافش إلا من ملاقف الهوا، جسمى ما بيستحملهاش… لو تسمح تلكف خاطرك وتبنى لى حاجز من خشب أو قماش… علشان يدارينى الأمير خايفه من الملاقف ازاى؟! هو فيه ورده فى الدنيا تكره تيار الهوا؟!… (لنفسه) الورده اللى تخاف الريح دى تبقى ورده معقده قوى الورده أقول لك بالمره، أنا محتاجه لبيت من قزاز، بالليل أنام تحت سقفه… الدنيا عندك برد، يا حسره علينا يا ورد، أنا كنت باكحّ في بطن الأرض، وادي الكحه رجعت لى…. (تتظاهر بالسعال لتزيد من شعوره بالذنب) فين الحاجز، فين الدروه اللى قلت لك عليها؟!… الأمير حاضر، أنا حاخطف رجلى واجيبها لك الورده ….وما باتمشاش لازم تخدمنى تسقّينى!
دى كانت ورده بتحب الغندره والعجب وبتسوق في الدلال في كل ساعه من النهار تطلب طلب لما الأمير الصغير أصبح تعيس الحال دق العذاب في دماغه لقى نفسه غصبٍ عنه نوى على السفريه والترحال وقام في يوم الصبح من بدرى قال السلام عليكم أنا ماشى يا ورده (كمن اكتشف في نفسه الرغبة في البكاء) الوداع… الوداع الوردة لا تجيب (الورده تسعى لمداراه التأثر، لا من الزكام) الورده أما اللى محقوقه. سامحنى. ربنا يكتب لك في كل خطوه السلام والسعاده الأمير حسّك اتغير الورده الذنب كان ذنبى. أما الحقيقه يا ما كنب باحبك. لو انت ما عرفتش حقيقة حبى، العتاب كله علىّ. الحقيقه. أدعى لك بالسعاده فى كل خطوه. ارمى الغطا من إيديك. مش عايزه انام تحت القزاز الأمير إنت نسيت البرد والهوا؟ الورده الزكام راح من زمان. ونسيم الليل ما بيضرش الأمير نسيت الحشرات الورده استحمل لى دوده والا اتنين لحد ما تشرنق وتطلع فراشه لونها من لونى وبيقولوا أجمل لما انت رايح بعيد اللى يتحدث معايا، تبقى الفراشه تزورنى كل شويه وتسلينى… وانت بعيد
ما تلفش حواليّه، خلاص إنت نويت على السفر، سافر، مع السلامه صوت الطيار (راوى) بدأ الأمير رحلته بين النجوم والفلك أول ما زار في الكوكب كوكب الملك العجوز جالس على عرش عالى زى الأمير الصغير ما حكى لى ولابس الأرجوان وماسك الصولجان وتاجه فوق الديوان ومالى وحده المكان فى الكوكب الخالى الملك أيوه أيوه هوّ دا لا بد يكون هوّ واحد من أفراد الرعيه الأمير (لنفسه) عمره ما شافنى قبل النهاردا، عرفنى ازاى؟ الملك إنت ياللى هناك قرّب شويه تعالى أدخل فى خارطه الكوكب أدخل في مدد شوقى (الأمير الصغير يتثائب) الملك إيه دا؟ إنت بتتاوب؟! بتنسى آداب اللياقه وبتتاوب فى حضرة صاحب الجلالة. أمنعك مفهوم؟ الأمير سامحنى يا ملك، دا غصبٍ عنى، أنا تعبان ونعسان كان سفرى طويل وعينى ما شافتش النوم من تلات ليالى الملك عُلِم وسمحنا لك تتاوب، يللا اتاوب بقى لنا زمان ما شفناش جد بيتّاوب نفذ الأوامر واتاوب الأمير خلاص مش قادر اتّاوب تسمح لى بالجلوس يا مولاى؟ الملك وسمحنا لك بالجلوس الأمير أقدر أسألك سؤال يا مولاى؟ الملك وسمحنا لك بالسؤال الأمير مولاى بيحكم على مين؟ الملك (بإشارة واسعة حوله) على كل دا الأمير على كل دا يا مولاى الملك على كل دا كله الأمير حتى النجوم الملك النجوم والكواكب وكله كله بيسمع الكلام أنا ما باسمحش بالخروج على النظام أبدًا مفهوم؟ الأمير عظيم يا مولاى أقدر ألمتس من جلالتك يؤمر لى بغروب الشمس أنا طول عمرى باحب أتفرج على الغروب الملك لو جانى الوزير وقلت له يا وزير زقزق وطير من زهره لزهره زى الفراشه أو يا وزير اكتب لى قصه طويله أو يا وزير تحول فى الحال إلى سحليه أو إلى طاوس أخضر، قام الوزير ضرب كف بكف وهز راسه وما نفذش الأوامر يبقى الحق على من فينا؟ الأمير يبقى الحق عليك يا مولاى الملك تمام الملك أساسه العدل والسلطه أساسها العقل نفرض أمرت الناس يرموا بنفسهم في البحر من سابع دور، أغلب الظن باقول أغلب الظن حيطلعوا لى ويرمونى أنا من فوق السطوح صدق اللى قال إن أردت أن تطاع فأؤمر بما يستطاع
الأمير وغروب الشمس فى استطاعة مولانا؟ الملك غروب الشمس فى استطاعتى أى نعم لكن الحكمه لها لها أحكام وكل شيء فى الدنيا علاجه الصبر وانتظار الوقت المناسب الأمير يعنى إمتى يا مولاى؟ الملك (يزوم) استنى لما اقول لك. ناولنى الإمساكيه دى، أيوه الإمساكيع (يجيل النظر في الإمساكيه) حنؤمر الشمس…. بغروب الشمس… حوالى الساعه… حوالى الساعه سابعه وأربعين دقيقه الأمير يعنى الساعه تمانيه إلا تلت مش كدا؟ الملك تقريبًا الأمير عن إذنك بقى يا صاحب الجلاله نوينا وتوكلنا على الله الملك لأ ما تمشيش خليك قاعد الأمير إذا أردت أن تطاع فأؤمر بما يستطاع أنا لو كنت منك يا ملك كنت أقول: سمحنا لك بالذهاب، وقبل ما تفوت دقيقه تكون فص ملك وداب!
وتانى كوكب زاره الأمير الصغير كان ساكنه واحد لوحده قنزح ما تعرفشى ليه مغرور وباين عليه وكان لابس برنيطه بريشه ومن دقته لحد حزامه منفوخ أعظم نفخه ومكرش أعظم تكريشه لكن خفيف الأمير صباح الخير المغرور صباح الزغاريد بالمعجب الجديد الأمير صباحك مفرفش زي برنيطتك المغرور دى كوكب على كوكبى تصبّح على معجبى الأمير (لنفسه) الراجل دا باين عليه مسلى أكتر من الملك بكتير المغرور إيدك لفوق لو سمحت الأمير إيدى لفوق المغرور وإيدك التانيه من فضلك الأمير حنلعب تمرينات المغرور حتضرب إيديك الاتنين فى بعض وتسقف وانا أرفع البرنيطه واحيّى تسقف من هنا أحيى من هنا تسقف من هنا أحيى من هنا الأمير أسقف من هنا تحيى من هنا دى لعبه مش بطاله المغرور ما سمعتش الأمير باقول إيه المعنى المغرور المعنى إعجاب إعجاب سقفة إعجاب سقفة إعجاب لابن امه وابوه هما اللى جابوه ولا حدّش جاب دا جميل جدًا شعره وعينيه خضرا عقله بيلعب من غير خمرا وشفايفه شباب سقفه إعجاب…. فنان جدًا رقصة حاجبه وضحكة سنه والغمازه وصرصور ودنه كل دا بحساب سقفة إعجاب…. ذكى ذكى جدًا يعرف في النقل الشطرنجى والنحو العربى والافرنجى وفى الاسطرلاب… غنى غنى جدًا يصرف في اليوم لو يتكّا على نفسه ألف دولار فكّه ويقول دى تراب مبسوط جدًا زى البلطى اللى…
الأمير يتوقف عن التصفيق فتتوقف الأغنيه وقبعة المغرور معلقة في الهواء… الأمير خلاص يا سيدى عرفت إنك ذكى وجميل وغنى وشاطر…. وأظهرت لك إعجابى المغرور كدا خلاص… ما فيش إعجاب تانى؟ الأمير ما تزعلش دا انا خايف اسقف سقفه شديده لتوقع البرنيطه من شدة الإعجاب
بعد الملك العجوز والمغرور المريش، وقع الأمير الصغير على نموذج تالت في كوكب تالت كان ساكنه راجل شغلته يسكر وكانت زياره ذريه من طقطق لسلام عليكم ما كملتش دقيقه
مساء الخير
مساء
إنت بتعمل إيه؟
باشرب
وبتشرب ليه؟
علشان أنسى
وتنسى إيه
أنسى كسوفى
كسوفك من إيه
كسوفى من الشرب
روح يا سكير يا ابو تفكير زي الحلزون اللولبى الله في العون رحلتى في الكون يا ريتنى عمرى ما تركت كوكبى
كان الأمير الصغير يحن لوردته قال عمرى ما كنت لازم أهرب واسيبها أمر الحبيب اللى تناوش حبيبها غريب ولكن كنت لازم أفهم إن المحبه والحنان مرهم قال يا صغير السنّ يا ما بكره تحن كملت مشوارى في رابع كوكب طبيت على الشخص التخين ابو وش احمر انجليزى اللى عمره ما شم الورد اللى عمره ما حبّش حد اللى مش شاطر إلا فى الحساب الأمير الصغير صباح الخير (رجل الأعمال مستمر في حساباته) بنقول صباح الخير رجل الأعمال تلاته زائد اتنين خمسه زائد سبعه اتناشر قلنا اتناشر الأمير الصغير صباح الخير، السيجاره اللى فى إيدك مطفيه رجل الأعمال قلنا اتناشر زائد تلاته خمستاشر، خمستاشر….صباح الخير…. قلنا خمستاشر زائد سبعه: اتنين وعشرين اتنين وعشرين زائد سته تمانيه وعشرين، خلى السيجاره في حالها، مش وقته قلنا سته وعشرين لخبطتنى قلنا تمانيه وعشرين زائد سبعه يساوى خمسه وتلاتين. تبقى النتيجه خمسميت مليون وسبعميه ألف وخمسميه خمسه وتلاتين الأمير الصغير خمسميت مليون ايه؟ رجل الأعمال إنت لسّه هنا الأمير الصغير أنا كنت باسأل خمسميت مليون ايه رجل الأعمال أنا عمرى تسعه وخمسين سنه وبقى لى فى الكوكب دا تلاته وأربعين سنه تلاته وأربعين سنه مانقطعشى منى حبل الحساب إلا تلات مرات أول مره من تلاتين سنه قبل ما اشغّل التكييف كنت بافتح الشباك، دخل علىّ دبور وفضل يزن يزن، ورّم دماغى وغلطنى في أربعتاشر عمليه حسابيه تانى مره من سبع سنين جاتنى نوبه روماتيزم الدكاتره قالوا كتر القعاد على المكتب بيتعب المفاصل انت محتاج للحركه، هو انا عندى وقت أروح واجى والا ألف واتصرمح، أنا راجل جد من تلاته واربعين سنه ما انقطعشى منى حبل الحساب إلا تلات مرات…. وانت السبب في المره التالته… عاوز منى إيه؟ الأمير الصغير عاوز اعرف خمسميت مليون إيه؟ رجل الأعمال شويه دقة من فضلك، أنا راجل جد خمسميت مليون وسبعميت ألف وخمسميه وخمسه تلاتين… الأمير الصغير …إيه؟ رجل الأعمال إنت بتسأل؟ الأمير الصغير انت بتستغرب من السؤال؟ رجل الأعمال انت صغير لكن حاقول لك أنا في تاريخه أصبح عندى خمسميت مليون وسبعميت ألف وخمسميه وخمسه تلاتين وحده من الممتلكات الفلكيه الأمير الصغير وهى ايه الممتلكات الفلكيه رجل الأعمال هى الكواكب والنجوم الأمير الصغير وانت بتمتلك النجوم رجل الأعمال أيوه الأمير الصغير إزاى ممكن الواحد يمتلك النجوم…. رجل الأعمال بحركة الأفكار أنا ما بتحركش من مكتبى لكن أفكارى بتتحرك الأمير الصغير أنا مش فاهم حاجه خالص رجل الأعمال خلى أفكارك هى اللى حركه وانت تفهم. أفكارك حركه تفهم لما تلاقى منجم دهب ما حدّش فتحه، مش يبقى ملكك انت؟! الأمير الصغير ودا يوصلنا لإيه رجل الأعمال بس خلّى أفكارك حركه اللى يكتشف جزيرة كانت مجهوله وما كانتش موجوده على الخريطه، يعمل ايه؟ يحط إيده عليها تصبح ملكه في الحال واللى تجى له فكره ما خطرتش لحدّ قبل منه يبقى هو مالك الفكره قبل ما يسجلها ورسميًا بعد التسجيل انت عارف مين اللى قدامك الأمير الصغير خير إن شاء الله رجل الأعمال انت قدامك أول واحد جت له فكره امتلاك الكواكب النجوم… واتغلّب على كل المصاعب…. الأمير الصغير