amr/memex

Fork 0

Files

Amr Gharbeia 1f0f0fd8fe reorganized folder structure

2026-03-25 12:28:35 -04:00

57 KiB

Raw Blame History

Appointing government on an FB thread, again

Messages

https://www.facebook.com/messages/?action=read&tid=id.247101242063292

Messages

Osman Abd Elhady and 34 others

Yesterday AbdelRahman Mansour

اﻷعزاء، في صفحة كلنا خالد سعيد سنطرح مبادرة بسبع مطالب لحشد الناس عليها بالتوقيع والضغط، للخروج من النفق المظلم الذي وصلنا فيه اﻵن بوصول محمد مرسي وأحمد شفيق للمرحلة الثانية من إنتخابات الرئاسة. باﻷسفل المطالب السبعة التي سنضغط على اﻹخوان والبرادعي والتيارات الثورية والمدنية بها، لشقّ طريق جديد لإعادة صياغة المشهد من جديد. أنتظر تعليقاتكم ورأيكم بحلول نهاية نهار هذا اليوم لرغبتنا في إطلاقها اليوم.

برجاء أن تكون الردود في خانة النقد البنّاء، رفض الوثيقة أمر مرّحب به،لكن أرجو ألا تكون التعليقات حول أهمية الوثيقة من عدمها، رأينا أن وجود تصور متفق عليه ومفوّض به من قبل عشرات اﻵلاف وربما الملايين هو المسار الطبيعي ﻹستمرار الحشد لتحقيق مطالب الثورة ولإصلاح ما تمّ إفساده.
النقد وطرح شخصيات ترونها مناسبة وصياغة المطالب بشكل أفضل، واﻹضافة لها (ربما تصل لمطالب عشرة!) هو ما نطلبه منكم إن كان في وقتكم سعة.
من الممكن أن ترسلوا الوثيقة لمن ترون قراءته لها ونقده مهمّا، لكن أرجو أن يظل اﻷمر في سريّة لحين خروجها للنور.

تقبلوا تحياتي. عبد الرحمن منصور

أولا: فيما يتعلق بالجمعية التأسيسية : أن تُشكل الجمعية التأسيسية بما يضمن أنها تضم كافة أطياف المجتمع المصري بشكل عادل خاصة فيما يتعلق بالتمثيل الجغرافي والمرأة والأقباط والشباب وأن يكون بها ما لا يقل عن 20% من القانونيين والخبراء الدستوريين. ويتم اتخاذ القرارات فيها بأغلبية ثلثي الأصوات فأكثر، وأن يرأسها أحد الرموز التالية: د. محمد البرادعي - د. محمد غنيم - د. عاطف البنا - د. حسام عيسى.

ثانيا: فيما يتعلق بنوّاب رئيس الجمهورية: أن تكون هناك مؤسسة رئاسية من ثلاثة أشخاص، هم رئيس الجمهورية ونائبين له، ويكون النائبين هما الدكتور عبدالمنعم أبو الفتوح والأستاذ حمدين صبّاحي أو من يختاراه من الشخصيات الوطنية المحترمة وأن يكون لهما صلاحيات محددة ومؤثرة في القرار السياسي لمؤسسة الرئاسة.

ثالثا: فيما يتعلق بالحكومة: أن يتم تشكيل حكومة ائتلافية موسّعة تشمل الأقباط والمرأة والشباب. ويشغل ثلثي مقاعدها الأحزاب السياسية بتوزيع عادل حسب أوزانهم النسبية في مجلس الشعب على أن يكون الاختيار بناء على الكفاءة وليس الانتماء الحزبي، ويتم تكليف الوزارات التالية لخبراء تكنوقراط ليس لهم أي انتماءات حزبية (وهي تشكل ثلث المقاعد الوزارية) وهي: الدفاع - الداخلية - الخارجية - العدل - الاتصالات - الإعلام - السياحة - الأوقاف - التعليم - الشباب.

رابعا: فيما يتعلق باستقلالية رئيس الجمهورية: أن يعلن الدكتور محمد مرسي استقالته من كل من حزب الحرية والعدالة وجماعة الإخوان المسلمين بحيث يُقلل من مخاوف الشارع المصري من سيطرة الجماعة والحزب على الحياة السياسية في مصر مع التعهد بعدم ممارسة أفراد أسرة د. محمد مرسي أي نشاط سياسي داخل الدولة طوال فترة رئاسته مع حرية نشاطهم في اﻷحزاب ومؤسسات العمل المدني.

خامسا: فيما يتعلق بالوضع القانوني للحركات السياسية والدعوة: أن يتعهد مجلس الشعب بإصدار قانون لتقنين أوضاع الحركات السياسية خلال ستة أشهر. وأن تفصل جماعة الإخوان المسلمين عملها الدعوي عن السياسي بحيث تنتهي علاقة مكتب الإرشاد في الجماعة بالحزب السياسي. وأن تكون الجماعة وغيرها من الحركات السياسية كحركة 6 أبريل ومصرنا وغيرها خاضعة للرقابة والقوانين يصدرها البرلمان وذلك تأكيدا على مبدأ تكافؤ الفرص في العمل السياسي.

سادسا: وقف حالة الاستقطاب في الشارع المصري: أن يتم العمل في خطوات جادة على إجراء مصالحة وطنية تشارك فيها كل التيارات والقوى الوطنية لوقف حالات الاستقطاب السياسي والديني والاجتماعي حتى نستطيع البدء في تحقيق مطالب الثورة بتحسين الأوضاع الاقتصادية ودعم حرية التعبير عن الرأي وعدم إعاقة التحول الديمقراطي للوطن.

سابعا: صلاحيات رئيس الجمهورية: أن تتفق الأطراف الوطنية على صلاحيات مُعلنة لرئيس الجمهورية ونوّابه وهي: ١) كافة العلاقات الخارجية، ٢) كل ما يتعلق بالأمن القومي للبلاد، ٣) التنسيق بين السلطات التنفيذية والتشريعية والقضائية

Ahmed Saleh added Gasser Abdel-Razek to the conversation.

Yesterday Belal Alaa

متهيألي في موضوع الجمعية التأسيسية أفضل الرجوع للمقترح السابق للصفحة بخصوص الجمعية وكيفية تشكيلها أو الإشارة إليه بوضوح، لإن مجرد أقوال عامة حول تمثيل الشباب والمرأة، يمكن القفز عليها بإنهم يجيبولنا سعد خيرت ممثل الشباب، بجوار إن نص على نسبة معينة من الخبراء الدستوريين لا أهمية له في رأيي، لإن الخبراء الدستوريين مثل غيرهم بعضهم معبر عن هذا التيار أو ذاك، ولذلك الأفضل كما قلت الرجوع للاقتراح القديم للجميعة، الذي يشجع على تمثيل الهيئات القضائية الكبرى من ممثلين ترشحهم مؤسساتها الرسمية .. بخصوص مؤسسة الرئاسة، أفضل أن يكون النص على أن يكون النائبين من اقتراح حملتي صباحي وأبوالفتوح، وحذف النص بتاع"يكون النائبين أبوالفتوح وصباحي" لرفض الاثنين أصلا، ولسبب حساسيات وضعهم وتياراتهم .. بخصوص الحكومة أقترح أن يقتصر الاقتراح على وزراء غير منتمين لتيارات سياسية على "الداخلية، الخارجية، العدل" وإلغاء وزارة الإعلام، وبقية الوزارات هي من صميم اختصاص الحكومة ومنع تسييس هذه الوزارات الباقية هو تكبيل لقدرة أي حكومة على فعل أي شئ، أما وزارة الدفاع"دي لسه حكاية كبيرة، لسه في علم الغيب" زي ما بيقول عمرو دياب

Yesterday Belal Alaa

محمد منير أقصد

Yesterday Alaa Abd El Fattah

موافق على كلام بلال، اضيف ان مطلوب حزمة تشريعات تضمن الحريات العامة اللي المفروض مش خلافية، قانون الحريات النقابية جاهز، حل لازمة قانون الجمعيات الاهلية (برضه المقترحات جاهزة) و حل نهائي للمحاكمات العسكرية للمدنيين بالاضافة لرفع حالة الطوارئ

AbdelRahman Mansour added Wael Ghonim, Wael Khalil, Wael Abd El-fatah, Wael Gamal, Reem Saad and Zeinab Abul-Magd to the conversation.

Yesterday Wael Ghonim

شباب: ممكن ندخل التعليقات في: https://docs.google.com/document/d/1zr66ypgiWq3wv6SfhfUg91lEoZcxojrCXlZLP4G_uvM/edit?pli=1 المطالب السبعة للتحول الديموقراطي - Google Docs docs.google.com Share

Yesterday Belal Alaa

أنا مع علاء لازم بند كامل لإلغاء المحاكمات العسكرية، وحتى بأثر رجعي، واقتراح أن يتم إحالة كل المحالين المدنيين لمحاكم عسكرية أو المدانين في أحكام عسكرية من المدنيين، لإعادة محاكمتهم أمام محاكم عادية وتغيير قانون المحكمة العسكرية بتاع إنها بتحدد اختصاصها بنفسها

Yesterday Mohamed Naeem

ارى ان المبادرة يجب ان تخرج من الاخوان انفسهم كمبادرة حد ادنى لا يضاف اليها المطالب التفصيلية الخاصة بالقوانين يكفى الجمعية التاسيسية بالصيغة التى تبنتها الصفحة ومسألة تشكيل الحكومة من دون وزارة الدفاع .. مسالة نواب الرئيس هى اصلا شو اعلامى من وجهة نظرى من الاصل " اذا كان هناك تنازل يمكن ان يقدم لمرشحىالرئاسة فهو منصب رئيس الوزراء ".. ويتم الدعوة من جانبهم لمؤتمر وطنى .. اللى عايز يحكم او يشارك فى الحكم المفروض انه يعمل كده المطالب الاكثر تفصيلا يمكن ان تأتى من الاطراف الاخرى حال نجاح الخطوة المبدئية " التى يجب ان تتم من جانب الاخوان " اى من جانب خيرت الشاطر

Yesterday Alaa Abd El Fattah

بلال خلينا في العملي و الباقي نضغط لأجله في الشارع، فيه مشروع قانون قدم و نوقش و ارتكن على جنب عايزين القانون ده

Yesterday Wael Ghonim

أنا مع أن تكون المطالب قصيرة وواضحة ومركزة في مؤسسة الرئاسة والتأسيسية. خارج هذا السياق إحنا هنبقى بنحط كلام كتير. بس عبدالرحمن في رأيه وجاهة لما اتكلمت معاه ان لازم يكون فيه مطالب تخلي الموضوع مش سياسي بحت ويكون شعبوي شوية: حد أدنى للأجور وحالة طوارئ ومحاكمات عسكرية .. أنا لسه عند رأيي الـ ٤ مطالب أفضل. بس نشوف المطلب الخامس ده بس أهم حاجة ميتحوّلش لكلام إنشائي يقولوا: مهو بيحصل فعلا.

Yesterday AbdelRahman Mansour

كتبتها كده: هل من تعديل أو إضافة يا علاء وبلال: ضرورة إقرار حزمة قوانين وتشريعات فورية تتعلق وروح الثورة ومطالب المواطنين في القضايا المحورية كإلغاء المحاكمات العسكرية وإحالة المتهمين للقضاء المدني، والتعجيل بمحاكمات في دوائر قضائية متفرغة للمتهمين في قضايا قتل الشهداء، وإقرار حد أدنى وأقصى لﻷجور. إضافة أو تعديل؟

Yesterday Wael Ghonim

وخارج سياق الجد: لازم يكون في المطالب دي حاجة بخصوص توفيق عكاشة

Yesterday Ibrahim El Houdaiby

موضوع الحكومة لابد من النظر في البرنامج لا في الأشخاص فحسب

Yesterday Wael Ghonim

سؤال: أحمد صالح اقترح إن نائب الرئيس (وأنا باقترح نقول نائب رئيس وزراء للالتزام بالصلاحيات اللي حددناها) يكون مسؤول عن: ويكون لأحد النواب صلاحيات إطلاق الحريات السياسية والمدنية والتنسيق بين القوى السياسية وللنائب الآخر صلاحيات تحقيق العدالة الاجتماعية والتواصل مع العمال والموظفين والطلبة فيما يخص حقوقهم الاقتصادية والتنظيمية.

Yesterday Ahmed Saleh

اقترحت في تعليقي على الملف التوقيع على أن لا يتغير وضع الجيش في الدستور الجديد عن وضعه في دستور 1971. ده كصياغة محددة وسريعة (أقرها طنطاوي نفسه منذ فترة) لعدم استقلال الجيش بتشريعاته وميزانيته عن الدولة ولعدم إعادة إنتاج الدولة العميقة في مؤسسة الأمن الوطني أو ما شابه.

Yesterday Wael Ghonim

@أحمد صالح: Thinking more about this: احنا كده بنتدخل في اختصاص اللجنة التأسيسية للدستور وهو أمر لا يملك أحد الوعد به خاصة وإن في الوضع الجديد في التأسيسية الحرية والعدالة مش هيكون هو والنور أغلبية.

Yesterday Wael Ghonim

وكمان احنا مشترطين إن ثلثي التأسيسية هما اللي هيقرروا. فده مطلب مش في ايد حد إنه عمليا يتعهد بيه.

Yesterday Alaa Abd El Fattah

الأهم مش عايزين كلام وعود كثير ميزة التأسيسية (و القوانين) أن ممكن تخلص قبل الانتخابات مش وعود الحكومة الائتلافية مجرد وعود لكن لأنها وعد صريح بحاجة سهل كل الجماهير تفهمها ملزمة شوية اما وعود عن سياسات الحكومة أو عمل الجمعية التأسيسية فدي ملهاش معنى قوي

Yesterday Osman Abd Elhady

أتخيل أن الحديث عن نواب للرئيس سوف لن يرحب به سواء من ابو الفتوح و صباحي وسوف لن يعطي تطمينات للنخب باعتبار المناصب دي شرفية! لماذا لا نوجد هذا التوازب بين مؤسسة الرئاسة ورئاسة الوزراء يدلا من ان نطرح توازن داخل مؤسسة الرئاسة نفسها؟

Yesterday Wael Ghonim

أنا كلمت أبو الفتوح .. قال لي انه مُرحّب .. ولو مكانش نائب هيقترح نائب وهو اللي هيدفع بيه .. وقال ان صباحي هيتقبل ده بناء على ما شعر به في اجتماعه معاه بالامس.

Yesterday Belal Alaa

وبشكل عام أنا موافق على كلام نعيم بخصوص توقيت المبادرة، في رأيي الإخوان النهارده أو بكره هيعملوا مؤتمر صحفي، عشان يقولوا كلام شبه كدا بس في الهوا، بعد مؤتمر الإخوان اللي هيتكلموا فيه عن مؤسسة رئاسة وحكومة وجمعية تأسيسية بشكل صريح، بعدها ، أو لو هتقترحوا المبادرة قبل ما الإخوان يقدموا وعود هما، فالأجدى النص في استهلال المطالب بعبارات مثل: وهذه الفرصة الأخيرة للتوافق الوطني، أو مثلا : نعتبر هذه الوثيقة اختبار جدي وحاسم لرغبة الإخوان في التوافق مع غيرهم

Yesterday Wael Ghonim

فيه صياغة أقوى دلوقتي لمتن المقدمة شغال عليها د. المصطفى حجازي وهيبعتهالي في خلال نصف ساعة. لأنه أشار لنفس تعليقك يا بلال.

Yesterday AbdelRahman Mansour

النهار ده مرسي طالع مع يسري فوده، من المتوقع ان يخرج بمبادرة من هذا النوع او قريبة الشبه، أعتقد نقدر نطلعها قبلها لو أنهيناها ويعرضها يسري عليه

Yesterday Alaa Abd El Fattah

مرسي طالع مع يسري؟ يبقى شفيق هيكسب خلاص

Yesterday AbdelRahman Mansour

آه الليلة

Yesterday Alaa Abd El Fattah

ممكن نحط في المبادرة أن كل رموز الأخوان تخرس خالص لحد يوم الانتخابات

Yesterday Osman Abd Elhady

مش عايز ارجع بالحوار للوراء بس حابب اسال ما هي إشكالية ترشيح البرادعي لرئاسة الوزراء؟

Yesterday AbdelRahman Mansour

البرادعي رفض

Yesterday Amr Magdi

البرادعي ببساطة مشس حمار عشان يوافق

Yesterday Wael Ghonim

البرادعي رافض رفض مطلق .. ومش عايزين نُحبط الشباب برفضه

Yesterday Osman Abd Elhady

اتخيل لو نجحنا في ده يبقي بنتكلم عن سيناريو خروج قوي

Yesterday AbdelRahman Mansour

هوا واضح انه مستمر في قراية الكف الّي بيطلع كله مره صح! أما نشوف آخرتها إيه معاه

Yesterday Amr Magdi

انا مسشس مهتم كثير بالحكومة الائتلافية بصراحة انا مهتم اكتر بالدستور الحكومة بتروح وتيجي ، لكن الإخوان ناويين يعكو في الدستور

Yesterday Wael Ghonim

+1 on Amr Magdi

Yesterday Osman Abd Elhady

ماختلفناش و عشان ده يتم محتاج شخصيات قوية تقدر تمرره!

Yesterday Amr Magdi

ليه ما يختاروش البرادعي رئيسش التأسيسية ، أعتقد هوا ممكن يرحب بدا بسش هما يتحركوا اتمنى لو أبو الفتوح أو حمدين قعدو مع الإخوان يتكلمو عن التأسيسية وليس عن الحكومة ، دا المهم والأهم واللي الإخوان مدكنين عليه

Yesterday Wael Ghonim

أنا جسيت النبض وهو رافض برضه .. بس اسمه مطروح بالفعل في الوثيقة.

Yesterday Reem Saad

شكرا للمبادرة وشكرا لإشراكي في الحوار- فقط للعلم أنا موقفي مع الإبطال المنظم للصوت ولكن مرحبة بالتعاون في أي اتجاه مثمر- أدرجت تعليق في الوثيقة أتحفظ على ان نختص د. مرسي بحجر شغل مناصب سياسية على أفراد أسرته فقط وارى ضرورة وضع هذا الحجر في إطار أشمل لتضارب المصالح يشمل الجميع- اقترح تبنى مبادئ مبادرة الوقاية من الفساد التى أطلقها زياد بهاء الدين و ليلى الخواجة وآخرون منذ فترة- أقترح إضافة زياد بهاء الدين للمناقشة لأسباب عديدة منها دوره في قضية الجمعية التاسيسية وخبرته بالتفاصيل و الجو العام لهذه القصة- - اراه أيضا وجه محترم ومقبول على نطاق واسع وقد يضفي اشتراكه لو اقتنع جدية و صدقية - فممكن طرح اسمه في منصب ما كأحد الضامنين للوثيقة

Yesterday AbdelRahman Mansour

لو تقدري تدخليه يا ريت

Yesterday Alaa Abd El Fattah

دي فكرة جيدة بل ممكن تكون الطريقة الوحيدة لاقناع عموم الناخبين أن التأسيسية دي توافقية بجد

Yesterday Osman Abd Elhady

طب و رئاسة الوزراء هل من المقبول ترك المركز لاختيار مفتوح اعني الا يكون ذلك باب لفرض شخص غير مناسب

Yesterday Wael Ghonim

Dr. Reem: ما رأيك في أن يكون الشرط لأفراد مؤسسة الرئاسة (الرئيس والنائبين)؟ هو الحقيقة، رئاسة الوزراء فعلا نقطة مهمة ومش عايزين رئيس وزراء ضعيف، وأكيد الإخوان هيسعوا لذلك .. بس المعضلة فعلا في اقتراح أسماء دلوقتي يمكن أن يحدث عليها إجماع. هل فيه مقترحات معينة خارج البرادعي؟

Yesterday AbdelRahman Mansour

أنا مع أن يكون الشرط ﻷعضاء الحكومة والرئيس ونائبيه ويحدد كالتالي: حرية العمل المدني والسياسي خارج إطار الدولة ومؤسساتها ﻷفراد أسر المسؤولين الحكوميين ممثلين في الرئيس ونائبيه ورئيس الوزراء ومجموعته الوزارية.

Yesterday Wael Ghonim

هل دي ممارسة ديموقراطية؟ أن تمنع نجل وزير السياحة من ممارسة حقه السياسي؟ أو بمعنى أصح/ ما هو قصدك بحرية ممارسة العمل المدني والسياسي خارج إطار الدولة لأني كده مش فاهمه كويس.

Yesterday Amr Magdi

المبادرة لطيفة لكنها خيالية جداًَ والإخوان عايزين ستة قرون لمناقشتهم واقناعهم بكل بند من البنود دي.. لذلك اقترح تقسيمها لجزئين.. جزء اجرائي عملي ومطلوب الحشد له الآن وجزء آخر ممكن نسميه بنود للنقاش لاحقاًَ .. وليست جزء من المبادرة

بنود المبادرة المطلوبة الآن هي: - استقالة مرسي من عمله الحزبي والإخواني 2- نواب للرئيس من خارج الإخوان وحكومة يرأسها شخصية وطنية من خارج الإسلاميين 3- والأكثر أهمية مطلقاًَ : رئيس للجمعية التاسيسية من خارج الإخوان وصوتي لحسام عيسى وليس للبرادعي.. ويترك لرئيس الجمعية وضع الضوابط المشكلة للجميعة مع رئيس البرلمان د. الكتاتني .. وبس

دي المطالب اللي عاجلة وملحة والباقي حيدخلنا في متاهات ملهاش أول من آخر

Yesterday AbdelRahman Mansour

يعني يشتغلوا في اﻷحزاب في الجمعيات في الجامعه، لكن مينفعشي يكون شغال في وزراءة أو هيئة تتبع الدولة

Mohamed Naeem added Ziad Bahaa-Eldin to the conversation.

Yesterday Wael Ghonim

ما رأيكم في هذا التعليق من خالد منصور: فكرة حرمان الحرية والعدالة من رئاسة الحكومة ومن جميع الوزارات الهامة فكرة يجب أن تراجع… أتفق مع حرمانهم من الدفاع الداخلية والخارجية أما الباقي فأرى أن نترك لهم مساحة

Yesterday Osman Abd Elhady

انا ميال لكلام عمرو مع اهمية تسمية رئيس الوزراء

Yesterday Amr Magdi

أعتقد مناقشتكم الأخيرة عن الحقوق السياسية لأبناءئ المسؤولين مناقشسة هامشية بالنظر إلى توقيت المبادرة والهدف منها.. أعتقد إن الهدف من المبادرة هو إسقاط شفيق وضمان عدم احتكار الإخوان للسياسة وخاصةض كتابة الدستور.. هذا هو الهدف الذي يجب أن تدور حوله المبادرة الحالية

Yesterday Wael Ghonim

+1 Amr and I think we are kinda getting distracted from the main goal. I agree to your points.

Yesterday Belal Alaa

أنا موافق على كدا يا وائل وكتبت في أول تعليق إننا نقصر الوزارات غير المسيسة على "الخارجية ،الداخلية،العدل" ، دخل فيهم وزارة العدل، وشيل الباقي، وإلغاء وزارة الإعلام

Yesterday AbdelRahman Mansour

شرط زي ده يا عمرو بييجي على وتر الناس، ومع العامة وبيتذكروا ماضي سوزران وابناء مبارك واعتقد دي نقطة إيجابية بيتنزل لصالح الناس

Yesterday Wael Ghonim

حطيت الغاء وزارة الاعلام فعلا. طيب بناء على كلامكم هاشيل الوزارات بس هاخلي الاتصالات لأنها فعلا وزارة سيادية ومينفعش تبقى في ايد الاخوان. طيب مش نسيب برضه السياحة عشان الناس اللي خايفة من الاسلاميين واللي هيعملوه في السياحة؟ دي صيغة تطمينية للكتل التصويتية اللي خايفة من سيطرة الاخوان .. الرأي؟

Yesterday Osman Abd Elhady

الوزرات التي ستخرج من يد الاخوان ومعها رئاسة الوزراء مهم ان توضع لها ضوابط واضحة لان لا تذهب الي شخصيات محسوبة علي النظام او يسمي لها اشخاص بعينهم

Yesterday Wael Ghonim

نقطة أخرى: صراحة أنا مع حذف موضوع ابناء المسؤولين دي .. تفصيلة زيادة عن اللزوم في وثيقة تاريخية ومش هتفرق كتير مع الشريحة اللي بنكلمها .. لأننا مش بنعمل دستور احنا بنعمل تطمينات للناس عشان شفيق ميجيش. نحذفها؟

Yesterday Osman Abd Elhady

احنا هنا بنتكلم علي ثقل الدولة الرئيسي

Yesterday AbdelRahman Mansour

انا رأيي هيا هتجيب مع الناس وهتنزل بالوثيقة لتاريخ الناس فاكراه. رأيي ان تظل

Yesterday Ahmed Saleh

سؤال. حنقول في النص إن لو ده محصلش حنعمل إيه؟ حنقاطع مثلا ولا نسيب دي للظروف؟

Yesterday AbdelRahman Mansour

همم مهم فعلا السؤال. أنا رأيي انتا قلت اﻹجابه. المقاطعه لو لم تنفذ الشروط

Yesterday Mohamed Naeem

لو بنتكلم على تسوية سياسية للاطراف الموجودين حاليا ووفقا للاوزان .. ودرء المخاوف وفهما لطبيعة الفاعلين .. الشخصية حتى.. مسالة الوزارة ممكن تطرح على حمدين صباحى " تطرح فقط " فى المبادرة .. والمبادرة مازلت عند رايي " فى ملعب الاخوان بالاساس " بصرف النظر عن قبولها ورفضها .. مرة اخرى مسألة نواب الرئيس لن يقبل بها مرشح رئاسى .. ومرة اخرى اراى ان المبادرة يجب ان تبنى على عرض واضح محدد قصير من الاخوان مقرون بدعوة لمؤتمر وطنى

Yesterday Osman Abd Elhady

كلام عبد الرحمن له وجاهته لو قدرنا نصيغها بشكل موجز ومركز في جملة واحدة

Yesterday Wael Ghonim

أنا مش مع اننا نقول المقاطعة .. أغلب الناس اللي معانا ومتعاطفة ان الاخوان يغيروا موقفهم ممكن يتاثروا والاخوان يصوروه انه لي ذراع .. الكلام ده يبقى معاهم مباشرة ويبقوا فاهمين انهم لو لم يستجيبوا احنا هنقاطع وندعو للمقاطعة في خطوة تصعيدية تالية بس الاستعجال باعلان الموقف دلوقتي هيكون مضر في انتشار الوثيقة قبل أي شيء.

Yesterday Osman Abd Elhady

انا برده مع فكرة تقليل التفاصيل يعني لو فكرنا في احداث التوازن المطلوب من خلال طرح ضوابط او اسماء لرئيس الحكومة و الوزرات السيادية و اللجنة التأسيسة من غير اضافات نواب او غيره هتكون افضل لان في النهاية هنحتاج برده نحط تصور للحقائب السيادية لو دي ظبطت يبقي محتاجيين النواب في ايه؟

Yesterday Wael Ghonim

النواب في مؤسسة الرئاسة مهمين وهيشكلوا ضغط مستمر على الرئيس في كل قراراته .. والوزارة ممكن تقال بس الوعد للنواب باسمائهم مينفعش وسط المدة يتم اقالتهم .. وكمان هتضمن ان الرئيس دوائر التاثير القريبة منه فيه ناس ثوريين. القوة الناعمة المؤثرة على الرئيس.

Yesterday Osman Abd Elhady

بس التجربة دي لم تكن بهذا النجاح في العراق بل كان معيقه

Yesterday Reem Saad

أنا مع تقليل التفاصيل مع شرط استجابة سريعة -أوافق على تقييد عائلات الرئيس والنائبين فقط- زياد خارج القاهرة ولن أتمكن من التواصل معه قبل الليلة- لو لم يستجيبوا انضموا لمبادربتي للإبطال المنظم للصوت

Yesterday Osman Abd Elhady

يبقي محتاج توزيع صلاحيات واضح بين الرئيس و نائبيه وده هيدخلنا في تفاصيل محتاجة تصاغ بعناية شديدة و تركيز اشد عشان الكلام ميبقاش كتير و غير مستوعب من الشارع

Yesterday Wael Ghonim

Osman: صح، وعشان كده لو تلاحظ مكتوب: "وأن يكون لهما صلاحيات محددة معلنة مُسبقا ومؤثرة في القرار السياسي لمؤسسة الرئاسة"

Yesterday Osman Abd Elhady

الجملة دي مازالت مرسلة اظن مهم ان يكون التحديد واضح في المبادرة و الا ستفشل عند احالتها للتطبيق

Yesterday Wael Ghonim

هل ممكن تقترح طيب بعض التفاصيل ونفكر فيها مع بعض؟

Yesterday Amr Magdi

أنا مع حذف معظم التفاصيل غير المتصلة بالدستور أو نواب الرئيس.. تفاصيل الحكومة يمكن ان تترك للمناقشة بين الرئيس ونوابه.. بشرط أن تضمن المبادرة أن يكون رئيس الحكومة من خارج الإخوان .. لكن التفاصيل الأساسية والمطلوبة هي حول الجمعية التأسيسية..

Yesterday Osman Abd Elhady

اظن ده خطر يا عمرو بمعني اننا نترك المجال للنظام ليمارس ضغوطه علي 3 افراد في حين لو وضعنا الضوابط ستكون ملزمة للجميع

Yesterday Ahmed Saleh

يبدو كده احنا لسه محددناش حاجة في الجمعية التأسيسية غير اسم رئيسها. بما أن الاتفاق على أنها أهم النقاط فإما أن نضيف أنها تشكل فعلا قبل الإعادة أو ننص على أن لا تتغير وضعية الجيش عن دستور 1971.

Yesterday Wael Ghonim

سؤال سريع: حد يعرف المستشار يحيى الدكروري؟

Yesterday Amr Magdi

يعني البنود اللي أنا شايف إنها مطلوبة هي فقط التالي: 1- رئيس الجمعية التأسيسية من خارج الإخوان ويترك له وضع ضوابط تأسيسها مع رئيسي مجلسي الشعب والشورى، ويترك له أيضا خلق قوائم مبدأية لأعضاءئ الجمعية 2- الحكومة القادمة ائتلافية برئاسة شخصية من خارج الإخوان 3- نائب أو اثنين للرئيس من خارج الإخوان، بصلاحيات محددة، ومبدأيا يمكن أن يترك لهم اختيار رئيس الحكومة 4- استقالة مرسي من الجماعة والحزب

التفاصيل الزيادة مسش مطلوبة في رأيي في المرحلة دي

AbdelRahman Mansour added Heba Raouf Ezzat, Amal Kamel Hamada, Omar Elhady and X-Omar Elhady to the conversation.

Yesterday Osman Abd Elhady

عمرو … من سيسمي هؤلاء؟

Yesterday Hossam Bahgat

يحيى الدكروري كان رئيس نادي قضاة مجلس الدولة ومن أشد المعارضين لعمل النساء في القضاء

Yesterday Amr Magdi

المبادرة! من خلال النقاش، مبدأيا يمكن أن نرشح أسماءئ كما ذكر عبد الرحمن في أول بوست (حسام عيسى للتأسيسية)

Yesterday Reem Saad

مشكلة: لما بنقول من خارج الإخوان دة لا يستثني حزب النور

Yesterday Osman Abd Elhady

الكلام مقبول لو المبادرة هتسمي الاشخاص wael تحديد الصلاحيات بين الرئيس ونائبيه محتاج حبكة لانه لو مش مظبوط ربما ينتج شلل لمؤسسة الرئاسة

Yesterday Wael Ghonim

Hossam: هو محسوب على التيار الاسلامي؟ وايه وجه معارضته أو صورها عشان أفهم أكتر؟ وهل ليه مواقف مؤيدة للثورة؟

Yesterday Sherif Younis

في كل الأحوال يجب أن تستمر الدعوة لإبطال الصوت بعبارة ترفض الإخوان والفلول. فالإخوان لو كانوا حيعملوا أي حاجة مش حيعملوها غير وهما حاسين بسيف على رقابهم.. أي هامش للمناورة حيستعملوه بطريقتهم طبعا وعلى رأي المثل: لو عايز حاجة م الإخواني كسعمه وخليه يقول آه ياني

Yesterday Wael Ghonim

سؤال مهم: فيه اقتراح بإن صيغة فقرة ثانيا تكون كده لقطع الطريق على الاخوان في التحجج ان ابو الفتوح وحمدين رفضوا: أن تكون هناك مؤسسة رئاسية من ثلاثة أشخاص، هم رئيس الجمهورية ونائبان له، ويكون النائبان هما من الشخصيات الوطنية المحترمة محل القبول المصرى العام

نهى خالد left the conversation.

Yesterday Osman Abd Elhady

انا هؤلك تخوفي بوضوح يا وائل، لو سلمنا بأن هناك صيغة توافقية معينة بين الاخوان و المجلس العسكر او حتي بدون وجودها فإن اي صياغة فضفاضة ستستغل من جانب المجلس لفرض تابعين له و ليس بالضرورة ان يكون معروف عنهم علاقتهم بالنظام وبالتالي المناصب الاساسية مهم تحصينها بصياغات محددة مثل طرح اسماء او وضع ضوابط صارمة

Yesterday Wael Ghonim

This is added to the start of the document: (Suggested by ElMostafa Hegazy):

كان من نتاج ثورة 25 يناير أن معادلة الحكم أصبحت قائمة على مبدأ: "الشعب يريد" وقد ثبت عمليّا أن ذلك المفهوم قد ترسخ في أذهان الكثير من المصريين. ولذا فقد كان لزاما على كل من يحكم احترام إرادة الشعب والامتثال له. وما ظهر جليا من نتائج المرحلة الأولى من انتخابات الرئاسة أن ما يريده الشعب المصري هو تيار رئيسى مصرى يعبر عن جماعة وطنية مصرية ممثلة لكل المتنوع والمختلف. تيار رئيسى يُجَسّد فى مواطنين مصريين بنخبهم وعامتهم ولا تحتكره رموز لشخوص أو جماعات أو أحزاب. تيار ينتمى إليه الجميع ولا يُنسب إلى فئة بعينها فهو يعبر عن وطن لا يُختزل و لايُحتكر. وعليه فعلاقة هذا التيار المعبرعن الجماعة الوطنية مع من يريد أن يلتحق به من المصريين من موقع "الحاكم" أو "المحكوم" أن يقر بسيادة هذا الشعب و يمتثل لشروط تياره فى كل أمر.

Yesterday Hossam Bahgat

اعتقد أنه مؤيد للثورة والحريات السياسية لكن محافظ اجتماعيا زي أغلب القضاة. أنا على سفر لكن ممكن ابص على تاريخه الليلة. هو مطروح لرئاسة الجمعية؟

Yesterday Wael Ghonim

آه وصلني اقتراح من ٣ أشخاص في الوثيقة به .. وعشان كده باسألك. يا ريت ترد علي بأسرع وقت عشان نعرف نطلع الوثيقة.

Yesterday Reem Saad

Just talked to Ziad Bahaaeldin- he is very willing to help- could someone please send him the last version of the document as message on Facebook ASAP. He is boarding a plane in half an hour but could give us quick reactions till then. Otherwise will have to wait till evening. Also please add him to the conversation

Yesterday Wael Ghonim

Email plz I'll send the last version right away

Yesterday AbdelRahman Mansour

هوا موجود في المحادثة. سأرسل له الوثيقة في شكلها النهائي

Yesterday Reem Saad

زياد بهاء اتصل وحملني إبلاغكم انه ينصح بالتروي في إدراج أسماء بعينها لرئاسة الجمعية التاسيسية حتى لا يحسب علينا شخص يتضح لاحقا انه مقلب (من وحي تجربة عصام شرف)

Yesterday Osman Abd Elhady

مقترح لصياغة المقدمة قامت ثورة 25 ثورة علي إحتكار السلطة وضد الاقصاء، جسدها وحدة المصريين في الميدان و إلتحامهم تحت شعار وحيد "الشعب يريد" وكان ما اراده الشعب أن يمثل بكل طوائفه و مجموعاته ضمن جسد واحد لا يقصي و لا يستبد به طرف دون طرف، ثم كانت أنتخابات الرئاسة خير تأكيد و تجسيد لهذا التنوع، فلم يعطي الشعب المصري مبايعة لاحد و لم يقصي احد، لذا وجب علي كل من تصدر لقيادة هذا الشعب العظيم انيلزم إرادة الشعب ويحترم ذلك التنوع فعلا لا قولا منهجا لا شعارا

Yesterday AbdelRahman Mansour

أنا رايي تحديد إسم محمد البرادعي لرئاسة تأسيسية الدستور والضغط عليه من أجل ذلك. هو اﻷنسب واﻷضمن.

Yesterday Reem Saad

zbahaa@aucegypt.edu This is Ziad's email but he's consulting facebook only now- He says he is on this conversation already

Yesterday Hossam Bahgat

وأنا أضم صوتي وأهديكم تصريحا ليحيى الدكروري عن الشرع والدستور http://today.almasryalyoum.com/article2.aspx?ArticleID=49931&IssueID=601

Yesterday AbdelRahman Mansour

Mohamed Naeem added Ziad Bahaa-Eldin to the conversation.

Yesterday Belal Alaa

بشكل عام أعتقد إن أي مباردة يجب أن تكون هجومية وشعبية، للضغط على الإخوان، فرفع سقف المطالب دا شئ جوهري مع الابقاء على نزعة هجومية، قريت آخر صياغة للاستهلال وبقترح على وائل ومنصور يبسطوه عن كدا، أهم المحاور طبعا هو التأسيسية ولذلك يجب أن تكون أكثر النقاط وضوحا بحيث لا يمكن الالتفاف عليها، ولذلك أقول تاني إنها محتاجة إعادة صياغة لتكون أكثر وضوحا من كدا، وبالنسبة للرموز أوافق على أهمية عدم المغامرة بأسماء مش واضحة وبقترح ازالة حسام الغرياني ويحيى الدكروري من الأسماء، وبسطوا البيان عن كدا

Yesterday AbdelRahman Mansour

أنا بشتغل على تبسيطها دلوقتي، أدامي تلت ساعه واخلصها

Yesterday Belal Alaa

فيه احتمال كبير إن الإخوان يضربوا بالبيان عرض الحائط، وعشان كدا لازم تكون الصياغة هجومية لتخويفهم من كدا، أي صياغة غير هجومية هتواجه باستعلاء إخواني وهيلتفوا عليها عن طريق إنهم يقولوا "احنا بالفعل أوضحنا مواقف توافقية خلاص"

Yesterday Reem Saad

موافقة تماما مع بلال-

Yesterday Mohamed Naeem

رايي ان يصدر البيان بعد ما سوف يعلنه الاخوان من مبادرة وفى ضوئه ..

Yesterday AbdelRahman Mansour

متفق تماما، نشوف آخر اﻹحوان إيه في بيانهم أو في لقاء مرسي مع يسري الليلة، وعلى إثره نقرر

Yesterday Belal Alaa

أنا بصراحة مش عارف اي الأفيد، بيان هجومي قبل اللقاء، نفرض فيه شروطنا، وللا بيان توضيحي للمطالب بعد اللقاء، خايف الإخوان يطرحوا مبادرة مايعة يكون علينا التعامل معاها بشروطهم

Yesterday AbdelRahman Mansour

اعتقد البيان قبل ظهورهم الليلة مع يسري مش هنلحق ومش هنقدر نؤثر، محتاجين يقرؤوا البيان والوقت الضيق مش كاف لكي يحكموا، فيا هيرفضوا يا نقولك هنشوفه لاحقا

Yesterday Mohamed Naeem

ماهم لو طرحوا مبادرة مايعة النهارده .. حيطرحوا واحده مش مايعه بكره .. بناء على الضغوط.. مين اللى محتاج لمين هو ده السؤال .. لدينا فرصة ان نكون باردين

Yesterday Osman Abd Elhady

اظن الافضل ان يطرح بعد المبادرة لانها لو كانت مايعة و ظهرة بعد البيان هتحرقه و لو كانت مايعة و ظهر البيان بعدها هيكون رد عليها

Yesterday Belal Alaa

تمام، أيا كانت المبادرة بتاعتهم يعني مايعة وللا مش مايعة، لازم يتم رفضها، وبعدين نقول مطالبنا الخالصة

Yesterday Reem Saad

هل يعلم الإخوان ان هناك مبادرة منا في الطريق؟ وهل هم على علم بملامحها العامة؟ الإجابة قد تكون الإجابة مهمة ونحن نستمع إلى مرسي الليلة وإن كان يرسل أي إشارات معينة في جهتنا مثلا - سواء تشجيعية أو غير ذلك

Yesterday AbdelRahman Mansour

أنا بفكر في أن أخبر يسري ليعطي نبذه عن المبادرة أو هناك مبادرة ستطلقها الصفحة اليوم او غدا، ممكن لو قدرنا قبل بداية البرنامج ننتهي منها ممكن يسري يعرضها وتاني يوم حد يكمل ويشرح فيها. لكن اﻹخوان لا يعرفون بالمبادرة ونقاطها. وأعتقد إن ده كويس ﻷنهم بحسب تجارب سابقة بيسبّقوا ويقدروا يظهروا بمبادرة قريبة الشبه من دي لكن بكلام عام يقلل من فرص إحياء او نشر فكرة مبادرة بمطالب جادة وواضحة

Yesterday Mohamed Naeem

معقول جدا

Yesterday Osman Abd Elhady

اظن فكرة تسريب خبلر المبادرة بدون تفاصيل هيشكل عنصر ضغط علي الاخوان و ربما يجعل مبادرتهم اكثر ايجابية

Yesterday Reem Saad

طيب ممكن يسري يقوله ان علم ان في مبادرة في الطريق لكن ميعلنهاش النهاردة- ممكن يعلنها بكرة وحد منكو يبقى معاه يتكلم عنها؟

Yesterday Belal Alaa

تسريب الخبر، خاطئ، لإنه بيعني إن الإخوان هيلتفوا عليها وساعتها صعب حد يقدر يطرحها بشكل حقيقي، قوة المبادرة وأي مبادرة في الأساس من إنها بتكون فتح مفاجئ لمجال سياسي جديد، طرح المبادرة لازم يتم بشكل أحادي وواضح وبدون خطوات تسبقها

Yesterday AbdelRahman Mansour

أنا كان رأيي إن حد يكون مع مرسي النهار ده بعلم يسري، ودون إخبار مرسي، لكن الوقت مش هيسعفنا. كنا ممكن نزنقه في حكاية أحد شروط الوثيقة وهي أن يستقيل من اﻹخوان والحزب ويكون له رأي مستقل ونطلب من مدة زمنية للتفكير في الوثيقة والتعليق عليها والرد في البرنامج. لكن الوقت ضيق جدا!

Yesterday Reem Saad

طيب بالنسبة لجزئية ان المبادرة تطلق من عند يسري بكرة؟

Yesterday AbdelRahman Mansour

هكلمه فيها النهار ده واشوف فيه فرصة ولا لأ

Yesterday AbdelRahman Mansour

طيب يسري معاه النهار ده مرسي وبكره يسري نصر الله، نصر الله هيرد بعد نص ساعة، لو هييجي لوحده فهتكون حلفة بكره ساعه للوثيقة وساعة له، لو هييجي مع فريق عمل فيلمه اﻷخير هيكون صعب. بس فيه فرصة مع عمرو خفاجي لو يسري منفعشي. المشكلة إن بكره لو منفعشي هيكون الوقت بيجري غير إن يسري هيطلع ع اﻹتنين الجاي وده بعيد

Yesterday Sherif Younis

بالنسبة لبرنامج يسري فودة: أظن أهم حاجة هي إحراجه فيما يتعلق بكون إن الإخوان طائفة. يعني مثلا.. إزاي دخل الإخوان، إيه شروط البيعة. إزاي ممكن يتم حله من البيعة بينما هي عيشة بحالها مش مجرد كلمتين. كيف يمكن أن ينتهي ولاء عبارة عن نظام حياة وشبكة علاقات تحيط بالعضو من كل ناحية بكلمة قسم أو بإحلال من قسم؟ وطبعا كل دا لكشف مسألة إنه مرشح كل المصريين. ما هو موقفه من مسألة إن الجماعة غير شرعية

Yesterday Sherif Younis

بناء على ما سبق: ما موقفه من مسألة إن الجماعة غير شرعية وغير مسجلة؟ وكيف يمكن توفيق أعضاء جمعية تقيم حزبا وتسمي مرشحين رئاسة؟ وما هو تصوره لقانون الجمعيات؟ التأكيد على إن وضع الجماعة بهذا الشكل يجعلها خارج الدولة وأرفع منها ومن مؤسساتها الدستورية. وإن الحكم يكون في هذه الحالة، حتى بالنسبة لأعضاء مجلس الشعب الإخوان، هو حكم عن طريق جماعة سرية. وهو ما لا يختلف عن الدولة الأمنية.. ودا أساس الديكتاتورية

Yesterday Sherif Younis

إذا وصلنا إلي أن الجماعة طائفة.. كيف ترى الجماعة حقوق من لا ينتمون إلى الطائفة؟ خصوصا إنه كما قال فلوطة، أنه حتى في الزواج، المسائل الشخصية، يفضل أن يرتبط الفرد بآنسة من الجماعة. فما بالك بالتفضيل في المناصب واستغلال النفوذ لصالح الجماعة؟ هناك أيضا شكاوي بالفعل، مثل شكوى أطباء بلا حقوق من سيطرة الإخوان على النقابة إلى درجة إن كل موظفيها من الجماعة، وهو ما جعل تيار الاستقلال عاجزا عن العمل حتى في المواقع التي كسب فيها. وتعميم ذلك في الدولة كارثي هذا الوضع يعني أن الميزة الوحيدة لانتخاب الإخوان إنهم أضعف من الدولة الأمنية، لا أنهم افضل. وبالتالي حتى اختيارها بمنطق مواجهة الدولة الأمنية يعني أن الصالح الوطني يتطلب إضعافها حتى وهي في السلطة. *توفيق أوضاع ممكن تلقي مكالمة من مني مينا، رئيسة أطباء بلا حقوق. مداخلتها حتلقي ضوء على المشكلة. وممكن أحمد بكر، سكرتير عام أطباء القاهرة المنتخب.. وكلاهما سيفيد في تقديم عينة لسلوك الإخوان لما يتمكنوا

Yesterday Wael Ghonim

شباب .. برجاء عدم الاستعجال في نشر الوثيقة والحديث عنها اعلاميا الان. بالمناسبة انا مع محمود سعد اليوم ولن اشير لها قريبا او بعيدا. ينبغي أولا: جمع التوقيعات من الشخصيات العامة على الوثيقة والحرص على ألا تنطلق أبدا من أي شخص أو طرف بعينه بل من صفحة غير محسوبة على أحد مثل كلنا خالد سعيد، ثانيا: ينبغي ألا يتم الحديث عنها في الاعلام من أحد المبادرين فيها الا بعد أن تتناول قبولا جيدا على الانترنت وتصبح غير تابعة لأحد بعد أن ينضم لها عشرات الآلاف. ولكن ما أقترح عمله الآن هو عدم الاستعجال وتسريب خبر الوثيقة لوسائل الاعلام.

Yesterday Wael Ghonim

أقصد عدم الاستعجال في تسريب الخبر لوسائل الإعلام. ينبغي أن تكون منطلقة بشكل مفاجئ للجميع على الإنترنت.

Yesterday Reem Saad

أوكي بالنسبة للتكتم الإعلامي قد لا يكون المجال هنا مناسبا ولكن اتمنى فرصة للحوار حول ما بدأه شريف عن تأثير إحكام قبضة الإخوان على السلطة السياسية على تمكن كوادرهم ومؤيديهم من المفاصل الأصغر لجهاز الدولة - نحن بالفعل بصدد استقرار هيمنة جديدة تستبدل هيمنة الحزب الوطني وتنغص الحياة اليومية للمواطنين- حدث هذا بشكل واضح في الريف ويفسر بشكل التصويت الملفت الانتقامي ضدهم لصالح شفيق

Yesterday AbdelRahman Mansour

اﻹعلام مفيهوش أزمة، سواء أردنا تسريب الخبر أو أخرجناه من الصفحة، اﻷهم أن يخرج يكثافة وفي عدة محاور مرة واحده. نتكلم فيه لاحقا بعد الوصول للصياغة النهائية

Yesterday Wael Ghonim

+1 on Reem. I hope Yosri does have that in mind.

Yesterday AbdelRahman Mansour

حد عنده فكرة عن الخبر ده؟ الجزيرة : قوى سياسية و مدنية تجتمع الآن استعدادا للاعلان عن "وثيقة العهد" التي تحدد مبادئ ملزمة للرئيس المقبل وتضع 9 يوليو حدا أقصى للتوقيع

Yesterday Alaa Abd El Fattah

دي مبادرة ابو الغار اظن

Yesterday AbdelRahman Mansour

عندك نصّها أو محتواها؟

Yesterday Alaa Abd El Fattah

لا بالضبط اخطر حاجة في الأخوان هي مسألة أنهم بيعينوا اخوان في كل حتة العودة لفكرة أن نيل المناصب و الترقي مسألة محتاجة الانضمام لجماعة/عصابة كارثة و ده مثلا السبب الرئيسي في خسارة الأخوان في انتخابات القيادات الجامعية و ده يخلي الأخوان في اي سلطة حتى لو واخدين وزارتين بس مزعجين جدا معرفش ايه اللي ممكن يقدموه لضمان أن ده ميحصلش و ايه اللي ممكن نعمله في الموضوع ده

Yesterday AbdelRahman Mansour

ممكن تقترحوا سريعا إسم للوثيقة؟ وثيقة التوافق الوطني اﻹنقاذ الوطني المطالب الخمسة من أجل التغيير

Yesterday Alaa Abd El Fattah

وثيقة ابجني تجدني

Yesterday Osman Abd Elhady

المخرج من الازمة

Yesterday Ahmed Saleh

إنقاذ الثورة أو التوافق لإنقاذ الثورة

Yesterday Alaa Abd El Fattah

وثيقة هننفخ الاستبن بس بشروط

Yesterday Mohamed Naeem

شروط لبناء جسور الثقة

Yesterday AbdelRahman Mansour

Yesterday Mohamed Naeem

ونسمى الحاجات باسمها

Yesterday Osman Abd Elhady

المبادرة الوطنية

Yesterday Ahmed Saleh

شروط لبناء جسور الثقة أكثرهم وضوحا إن في تبعات لعدم الاستجابة للشروط

Yesterday Reem Saad

الاتفاق الوطني

Yesterday Mohamed Naeem

اسم التوافق اوالاتفاق مناسب لو الوثيقة ماضى عليها الاخوان . غير كده دى اشتراطات من جانب قوى الثورة لضمان التوافق !

Yesterday Wael Ghonim

أنا شايف كلمة اشتراطات تيجي في النص وقبل ذكر الشروط (وده اللي حاصل دلوقتي) بلغة هادية. وصف الوثيقة بالشروط مش هيشتغل مع الاخوان .. احنا مش عايزين نزنقهم ونجبرهم على الرفض. لأنهم أكيد اللهجة دي مش هتمشي معاهم.

Yesterday AbdelRahman Mansour

انا مع الاتفاق الوطني

Yesterday Wael Ghonim

ما رأيكم في: وثيقة الاجماع الوطني؟

Yesterday Osman Abd Elhady

اتخيل محتاجين اسم ملهم للجماهير و محرك للاحلام بعيد عن الاسماء التي اكل عليها الدهر و شرب

Yesterday Reem Saad

بلاش اجماع

Yesterday Wael Ghonim

Yesterday Reem Saad

Do we envision this document to have a short-term purpose and life or cd it have an enduring existence? answer cd help us choose title

Yesterday Wael Ghonim

أولا: فيما يتعلق بالجمعية التأسيسية للدستور: أن تُشكل الجمعية بما يضمن أنها تضم كافة أطياف المجتمع المصري بشكل عادل خاصة فيما يتعلق بالتمثيل الجغرافي والمرأة والأقباط والشباب وأن يُمثل أساتذة القانون والعلوم السياسية والخبراء الدستوريين نسبة لا تقل عن 20% من أعضائها. ويتم اتخاذ القرارات في الجمعية بأغلبية ثلثي الأعضاء فأكثر، وأن يرأسها أحد الخبراء القانونيين أو الدستوريين من أصحاب القبول العام في الشارع المصري ومن غير المحسوبين على أي حزب أو تيار سياسي.

Yesterday AbdelRahman Mansour

أنا رأيي ايضا مع حذف اﻷزمة لتجنب اللغط حول التحيّز ﻷفراد أو تيارات، واكتساب الوثيقة أرضية وطنية أكبر

Yesterday Mohamed Naeem

وان يتم اختيارها باغلبية الثلثين برضه

Yesterday AbdelRahman Mansour

آه ده شرط مهم، هنضيفه

Yesterday Osman Abd Elhady

فقرة الجمعية التاسيسية جيدة

Yesterday Mohamed Naeem

استاذة القانون والخبراء الدستوريين والعلوم السياسية سوا اقترح 25 فى المية زى المشروع اللى فات .. فى الظروف دى النسبة دى متزعلش حد

Yesterday Wael Ghonim

ok you are the expert .. updated but we can't do any more updates. Its live: https://www.facebook.com/events/345237388878177/

وثيقة الاتفاق الوطني ‏7 June at الإنترنت‏ Join Share

Yesterday Belal Alaa

كانت محتاجة فقرة خاصة بفايزة أبوالنجا..بس ملحوقة :))

Yesterday Osman Abd Elhady

Good luck !

57 KiB Raw Blame History Unescape Escape

Appointing government on an FB thread, again

Messages

Yesterday AbdelRahman Mansour

Ahmed Saleh added Gasser Abdel-Razek to the conversation.

Yesterday Belal Alaa

Yesterday Belal Alaa

Yesterday Alaa Abd El Fattah

AbdelRahman Mansour added Wael Ghonim, Wael Khalil, Wael Abd El-fatah, Wael Gamal, Reem Saad and Zeinab Abul-Magd to the conversation.

Yesterday Wael Ghonim

Yesterday Belal Alaa

Yesterday Mohamed Naeem

Yesterday Alaa Abd El Fattah

Yesterday Wael Ghonim

Yesterday AbdelRahman Mansour

Yesterday Wael Ghonim

Yesterday Ibrahim El Houdaiby

Yesterday Wael Ghonim

Yesterday Ahmed Saleh

Yesterday Wael Ghonim

Yesterday Wael Ghonim

Yesterday Alaa Abd El Fattah

Yesterday Osman Abd Elhady

Yesterday Wael Ghonim

Yesterday Belal Alaa

Yesterday Wael Ghonim

Yesterday AbdelRahman Mansour

Yesterday Alaa Abd El Fattah

Yesterday AbdelRahman Mansour

Yesterday Alaa Abd El Fattah

Yesterday Osman Abd Elhady

Yesterday AbdelRahman Mansour

Yesterday Amr Magdi

Yesterday Wael Ghonim

Yesterday Osman Abd Elhady

Yesterday AbdelRahman Mansour

Yesterday Amr Magdi

Yesterday Wael Ghonim

Yesterday Osman Abd Elhady

Yesterday Amr Magdi

Yesterday Wael Ghonim

Yesterday Reem Saad

Yesterday AbdelRahman Mansour

Yesterday Alaa Abd El Fattah

Yesterday Osman Abd Elhady

Yesterday Wael Ghonim

Yesterday AbdelRahman Mansour

Yesterday Wael Ghonim

Yesterday Amr Magdi

Yesterday AbdelRahman Mansour

Yesterday Wael Ghonim

Yesterday Osman Abd Elhady

Yesterday Amr Magdi

Yesterday Wael Ghonim

Yesterday Belal Alaa

Yesterday AbdelRahman Mansour

Yesterday Wael Ghonim

Yesterday Osman Abd Elhady

Yesterday Wael Ghonim

Yesterday Osman Abd Elhady

Yesterday AbdelRahman Mansour

Yesterday Ahmed Saleh

Yesterday AbdelRahman Mansour

Yesterday Mohamed Naeem

Yesterday Osman Abd Elhady

Yesterday Wael Ghonim

Yesterday Osman Abd Elhady

Yesterday Wael Ghonim

Yesterday Osman Abd Elhady

Yesterday Reem Saad

Yesterday Osman Abd Elhady

Yesterday Wael Ghonim

Yesterday Osman Abd Elhady

Yesterday Wael Ghonim

Yesterday Amr Magdi

Yesterday Osman Abd Elhady

Yesterday Ahmed Saleh

Yesterday Wael Ghonim

Yesterday Amr Magdi

AbdelRahman Mansour added Heba Raouf Ezzat, Amal Kamel Hamada, Omar Elhady and X-Omar Elhady to the conversation.

57 KiB

Raw Blame History