2.7 KiB
ع الماشي
ع الماشي..
من 4 شهور, قوة كمين شرطة اتخنقت مع ظابط جيش وزوجته واهانوها لفظيا.. ضابط الجيش جاب الشرطة العسكرية وكدرت كمين الشرطة وصوروهم
http://www.almasryalyoum.com/news/details/543303
من 3 شهور, أمين شرطة في قسم امبابة اخد مسجونة احتياطي مختلة عقليا واغتصبها جوه القسم في حتة ضلمة.. ولما الموضوع اتعرف حاول كل ضباط القسم انهم يداروا عليه لمدة 14 ساعة ومبلغوش النيابة لحد لما مسجونة تانية كان عندها عرض علي النيابة وبلغت وكيل النيابة.
http://www.almasryalyoum.com/news/details/512138
العيد اللي فات اعتصم 7 أمناء شرطة في قسم بندر المنيا المنيا عشان اتنين زمايلهم تحرشوا ببنتين في الشارع وطلع واحدة من البنتين عمها مستشار وحبس الأمناء المتحرشين.
http://today.almasryalyoum.com/article2.aspx?ArticleID=439966
العيد اللي فات برضه الشرطة اشتبكت مع شباب حملة التحرش بالمتحرشين.. عشان الشباب شافوا الشرطة وهي بتسيب المتحرشين اللي الشباب مسكوهم!
الشهر اللي فات اتنين ضباط شرطة في كمين عاكسوا واحدة ..جوزها طلع ظابط زيهم.. اتخنقوا معاه .. جوزها الضابط ابوه طلع مستشار وعملهم مشكلة فاعتذروا
http://www.shorouknews.com/news/view.aspx?cdate=11112014&id=156f4701-0d2c-438a-8959-421a499bd97e
واخيرا اتنين أمناء شرطة اغتصبوا طالبة في عربية شرطة -نجدة - اول امبارح في عبود بعد ما نزلوها بالعافية من عربية واحد زميلها
http://www.almasryalyoum.com/news/details/607464
كل الفضايح ده اتعرفت عشان الشرطة جت علي حد ليه ضهر.. وعرف ياخد حقه.. المصيبة في الناس اللي ملهاش ضهر وحقها بيضيع!
كل فضيحة من دول كفيلة إنها تقيل وزير الداخلية بطقم المساعدين بتوعه.. بس علي مين!
يطلع قرار جمهوري بضم حملة الاعدادية للشرطة ..
وحتى لا ننسي .. محمد إبراهيم وزير داخلية محمد مرسي
#الداخلية_بلطجية