42 lines
7.8 KiB
Org Mode
42 lines
7.8 KiB
Org Mode
:PROPERTIES:
|
||
:ID: 29345812-1f58-4538-9ff3-3db716d81ba0
|
||
:ROAM_ALIASES: "Amr Ezzat"
|
||
:CREATED: [2009-06-04 Thu 11:33]
|
||
:MODIFIED: [2009-10-05 Mon 00:55]
|
||
:IMPORTED: [2023-02-08 Wed 19:22]
|
||
:END:
|
||
#+title: عمرو عزت
|
||
#+FILETAGS: !private people egypt
|
||
|
||
|
||
* حلم
|
||
|
||
في الحقيقة يا جماعة , أنا جمعتكم النهاردة علشان أطلعكم على حلمين من سلسلة من الأحلام الجديدة اللي بدأت أشوفها بانتظام و أبطالها من الأصدقاء المدونين ...
|
||
|
||
الحلم الأول كان حفلة بمناسبة رجوع علاء و منال من إيطاليا . الحفلة كانت في شقة غريبة , أغرب من شقة منال و علاء في ثوبها الجديد . لكن الأغرب أن إحنا كنا بنقول لجاين يا منال , و منال ما كنتش موجودة في الحلم . احتمال كانت بتشتري حاجة , لكن كون جاين تلعب دور منال في الحلم و بالنظر لنقارها الدائم مع علاء , فالحلم من الزاوية دي بيطرح علاقة جديدة بين المسلمين و الأقباط في مصر . الأغرب و الأغرب إن أنا كنت في الحلم ده عامل ضفيرة و صابغها أزرق و كنت مستغرب جدا من الموضوع دع و ماسك بإيدي الضفيرة العجيبة و عمال أفتكر مين يا تري أعرفه عنده ضفيرة , أما عمرو غربية كان حالق شعره زيرو و كنا بنقوله يا مالك . مالك ما كانش موجود أما مينا فكان لابس بدلة ضابط و كلنا كنا قلقانين منه !
|
||
|
||
أما الحلم الثاني فكان عبارة عن فرقة موسيقية صغيرة و جمهور قاعد على ترابيزات مدورة في ساحة مكشوفة . أقدم لكم الفرقة, من اليمين : هيثم جار القمر على الإيقاع , واحد مش عارفينه على الجيتار , أنا على العود ... و مفاجأة الحفل مغنية الفرقة نهى عاطف ! الوضع كان غريب , و الحلم كان طويل جدا و مزعج .. الفرقة غنت أغاني كثيرة و بالكامل , نهى غنت " ما دام تحب بتنكر ليه " لأم كلثوم , و " الصلح خير قوم نتصالح " لنادية مصطفى , و " عارفة أحلى حاجة فيكي إيه " لحماقي و بعدين قلبنا أغاني الشيخ إمام .
|
||
|
||
الوضع كان كالاتي : الراجل الغريب على الجيتار كان بيميل على و يقول اسم الأغنية, و نهى تسمعه , الراجل مش معبر هيثم , هيثم بيميل لورا من ورا الراجل و يسألني - و احنا بنكون بدأنا فعلا العزف : " أغنية إيه .. أغنية إيه ؟ , و بعدين نهي في وسط الأغنية كانت بتستغل فترة كان الراجل بيعمل فيها ارتجالات على الجيتار وتسألني هو مين ده ؟ و أنا أقولها مش عارف . المشكلة الأكبر إني ما كنتش عارف أعمل أي حاجة بالعود اللي كان معايا , هيثم كان بيعزف ايقاعات افريقية وسط اغنية لأم كلثوم و الراجل بيعمل حاجات غريبة بالجيتار لكن لحن الأغنية طالع من حتة ما مكتمل بآلاته الأصلية .. بس من غير صوت المغني أو المغنية ... و نهى كانت بتغني بطريفة نشيد الصباح في الإذاعة المدرسية ! المكان كان تقريبا نادي الترسانة الرياضي اللي قضيت فيه معظم أوقات طفولتي , و الجمهور بيأكد ده , لأن أول ما قلبنا الشيخ إمام - خاصة إن نهي ما كانتش حافظة و كانت عمالة تغلط و تبص لي و أقولها مش فاكر ! - بدأت تصدر من الجمهور ألفاظ قبيحة و أصوات أنفية غير مهذبة و قام واحد قعد يرقص بطريقة " هانروح المولد " على أغنية " اتجمعوا العشاق في سجن القلعة " , و في الحلم سمعنا فعلا لحن المولد بيدخل على لحن الشيخ إمام , كل ده مع صوت نهى و صوت جيتار و ايقاع عجيب من هيثم و كان فيه حاجات غريبة بتطلع من العود . في لحظة ما اكتشفنا أزمتنا و الراجل بص لي باحتقار و قال لي انت بتعمل ايه ؟ قلت له : أنا ما باعرفش اعزف على العود أصلا , و بعدين بص لنهى : و انتي بتعملي ايه أصلا ؟ - كان مستفز جدا كأنه أول مرة يشوفنا , لكنه برضه ما عبرش هيثم خالص , و هيثم كان متضايق جدا من الموضوع ده . الراجل قام و حط الجيتار في شنطة و مشي و سابنا في نص أغنية مش فاكرها , و بعدين أنا سبت العود مكانه و هيثم ساب الطبلة الافريقية بتاعته و نهى قامت من قدام الميكروفون و رحنا كلنا نشرب حمص شام - ده بيؤكد مرة تانية ان المكان هو نادي الترسانة - و قعدنا نسأل نفسنا مين الراجل ده و احنا ايه اللي جابنا هنا و كنا بنعمل ايه ؟ أنا و نهى كنا بنسأل أسئلة كثيرة و متعجبين و بنضحك , لكن هيثم كان متضايق جدا و مقريف و كل شوية يشتم و يقول لنا ان الراجل ما كانش بيقول له على اسم الأغنية !
|
||
|
||
|
||
Ramy KA متهيألي لو قريت الحلم من الآخر للأوّل جايز يتضح المعنى أكثر
|
||
|
||
Ramy KA وكمان ما كانش معااك رضوى.. إنت مش هاتجيبها لبر شكلك :)
|
||
|
||
Mohammad Rabie
|
||
|
||
غالبا رضوى بره الحلم عشان تحلله<br />يا راجل و الله ضحكت كما لم أضحك من قبل ، خصوصا التضاد بين الشخصية و الشكل ، و على فكرة انا أول واحد تخيلت غربية أقرع ، بس كان بيحرض على الثورة
|
||
|
||
Haisam Yehia
|
||
|
||
ههههههههههه <br />..<br /> بس كون ان نهى تبقى المغنية الأولى للفرقه و كمان بتغني زي نشيد الصباح فدي قمة الملهاة و المسخرة !! .. الظريف ان من الحاجات القليلة اللي مش باعرف العب عليها بتاتا هي الطبلة و الايقاع بشكل عام .. بس مين الراجل ابن الجزمة ده .. قال يطنشني قال .. و حياة امي لو كنت معاكم لكنت طلعت ديكه !! هههههه
|
||
|
||
Shaher H.Ayad
|
||
|
||
متأكد إن هيثم كان بيلعب جيتار على أغاني الشيخ إمام؟ Mahammad Fathi
|
||
|
||
Shimaa Samir
|
||
|
||
كفايه ياعمرو انا مش قادره ابطل ضحك<br />انما موضوع ان نهي تغني دا شيء عادي لانها علطول بتغني وبتعلي صوتها بالغنا<br />وبعدين ايه الراجل الرزل اللي منفض لهيثم دا غايظني قوي انا كمان<br />:-D<br />و الضفيره الزرقاء بتاعتك دي صعب قوي اتخيلك بضفيره بصراحه<br />:-D<br />انا كمان بحلم بناس بتاخد مكان بعضها زي جاين ومنال كده وببقي طول الحلم بكلمهم وانا مستغربه جدااا الوش وش بني ادم والاسم اسم بني ادم تاني خالص<br />عاوزين نشوف تفسير وتحليل للموضوع اللخبطه بين الشخصيات دا يارفيق
|