23 lines
3.2 KiB
Org Mode
23 lines
3.2 KiB
Org Mode
:PROPERTIES:
|
|
:ID: 3941ce01-5696-4ce4-a678-0eb948b0d067
|
|
:ROAM_ALIASES: "Yara Sallam"
|
|
:END:
|
|
#+title: يارا سلام
|
|
#+FILETAGS: !private people egypt
|
|
|
|
*** عزيزتي يارا
|
|
|
|
عزيزتي يارا
|
|
|
|
الرسالة دي وقفت عند "عزيزتي يارا" و رجعت أكملها ثاني بعد سنة من ما بدأتها، و مدة السنة كانت صدفة. أنا بدأتها لما كنت باسمع أغنية Weave me the sunshine لبيتر و بول و ماري يوم ما وصلت أنت القناطر، و باكملها دا الوقت بعد لما طلعت لي ثاني من 23,870 أغنية.
|
|
|
|
وقفت المشروع ال كنا هنشتغل عليه مع بعض، لأن الوقت مش مناسب و الظروف كمان، و لأني حاولت أبدأ حاجة ثانية. كنت مخطط أبدأ مزرعة بعد ما قعدت سنين أذاكر و أتعلم. ببساطة هي تجربة لحياة مستقلة باطراد في الظروف دي: إحياء التربة و إثراء دورة الماية و الكربون، نباتات و حيوانات أكثر تدريجيا، و بيت يبنيه أهله بنفسهم و يقدر يوفر احتياجاتهم من غير أي مواسير داخلة أو خارجة، و فرصة علشان كل دا يكبر و يوسع و ينفع ناس أكثر و يحقق الزفت الاستقرار. لكن، قبل ما أنقل لحتة الصحرا ال ملك العيلة من عشرات السنين، اكتشفت أن حد احتلها و بدأ يستغلها، و المفاوضات مستمرة معه من ساعتها. و زهقت! بس لغاية ما المشكلة دي تتحل، أنا باجرب على مقاس أصغر: باتعلم أعمل كومبوست من بقايا الأكل و ورق الشجر (ما فيش زبالة بتترمي!) و باصلح بيه جنينة ييت الأهل المهملة، و باتفرج على النباتات و هي بتكبر.
|
|
|
|
الناس، زي ما أنت غالبا متابعة، كل يوم مشغولين بحاجة غير اليوم ال قبله، و فيه تعاطف empathy جماعي على إنترنت، و هيستيريا جماعية كمان. لكن معروف أن ظروفنا كلنا صعبة. أنا شخصيا، و للمفاجأة، في كل العشر سنين ال فاتوا ما فيش حاجة أثرت علي قد حبستك.
|
|
|
|
باختصار، مش فايتك حاجة كبيرة. كلها حاجات صغيرة كثيرة، كلها مهمة و أغلبها متأجل. مكتبك بيتنقل زي ما هو من عمارة أنت عارفاها لعمارة ثانية أنت برضه عارفاها. و هتطلعي تلاقينا كلنا على حطة يدك، لكن أعقل شوية (بيتهيأ لك؟) و يمكن كمان حالنا أحسن. و لغاية ما دا يحصل (لغاية ما تطلعي، مش لغاية ما نعقل)، راوية واخدة مكانك في الأفراح و الأتراح.
|
|
|
|
الأغنية خلصت و بدأت 500 miles بعدها. Lord I am five hundred miles from my home.
|
|
|
|
عمرو. 19 يونيو 2015. في أول خطاب مكتوب بخط اليد من أكثر من عشرين سنة.
|